سبق فاؤنڈیشن کا تعارف (انگریزی میں)

سبق فاؤنڈیشن ٹرسٹ جو کہ سبق فاؤنڈیشن کے نام سے جانا جاتاہے۔ ۲۰۱۲ میں ایک سیلف فنڈڈ Non-Profit ٹرسٹ کے طور پر پاکستانی حکومت کے تعاون کے ساتھ اقبال مصطفی خان نے قائم کیا .سبق کے چیئرمین افضال مصطفی (اقبال کے بھائی) ہیں جبکہ اقبال اب بھی سبق سے وابستہ ہیں اور ادارے کا ہیڈ آفس اسلا م آباد کے سیکٹر I & T Center, G-10/4 میں واقع ہے۔

مقاصد :

سبق فاؤنڈیشن کا اولین مقصد پاکستانی طلباء کے لیے عالمی معیار کےویڈیولیکچرز بنانا ہے۔ سبق فاؤنڈیشن مفت ان ویڈیوز کواپنی ویب سائٹ پر آن لائن بھی مہیا کرتا ہے۔

سبق فاؤنڈیشن کا اعزاز:

سبق فاؤنڈیشن، پاکستان بھر کے تعلیمی بورڈرز، جن میں فیڈرل، پنجاب، سندھ، خیبر پختون خواہ اور بلوچستان شامل ہیں، کے لئے نویں سے بارہویں جماعت تک کے نصاب کی اب تک گیارہ ہزار سے زائد ویڈیو لیکچرز بنا چکا ہے۔ ان میں فزکس، کیمسٹری، میتھس، بائیولوجی، انگلش اور جنرل سائنس کے مضامین شامل ہیں۔ اس کے علاوہ چھوٹی جماعتوں کے نصاب پر بھی کام جاری ہے اور ساتھ ساتھ MCAT ، Cambridge اور ECAT کے لیکچزر بھی دستیاب ہیں۔یہ تمام ویڈیو لیکچرزسبق فاؤنڈیشن نے اپنی ویب سائٹ sabaq.pk پر مفت مہیا کر رکھے ہیں۔ سبق فاؤنڈیشن کے لیکچرز کی تیاری میں جدید ٹیکنالوجی میں مہارت رکھنے والے Highly qualified ٹیچرز کی مدد لی جاتی ہے۔ Blended Learning کے تصور کو عام کرنے کے لئے بہترین ٹیچنگ اسٹائل اور کوالٹی کنٹرول کے ساتھ ساتھ اساتذہ کمپیوٹر Animation اور ملٹی میڈیا کی مدد سے لیکچرز کو قابل فہم بناتے ہیں۔سبق فاؤنڈیشن کا یہ اعزازہے کہ ہر سال پندرہ(۱۵) لاکھ سے زیادہ لوگ سبق فاؤنڈیشن کی ویب سائٹ سے فائدہ حاصل کرتے ہیں۔

اہم فیچرز:

سبق کی ویب سائٹ پر تمام مضامین کے لیے پریکٹس ٹیسٹ فیچر بھی موجود ہے۔ امتحانات کی بہترین تیاری کے لیے طلباء سبق فاؤنڈیشن کے پریکٹس ٹیسٹ فیچر کو استعمال کر سکتے ہیں۔ طلباء ہر مشق یا باب کے بعد یہ ٹیسٹ دے سکتے ہیں۔ سبق فاؤنڈیشن کے اس عزم کو مزید آگے بڑھانے کے لیے ہماری ٹیم اسکولوں کو سبق کا ایک آف لائن متبادل، سبق بلینڈڈ لرننگ (Sabaq Blended Learning) مہیا کر رہی ہے جس کی تفصیلات یہاں دیکھی جا سکتی ہیں۔

اقبال مصطفٰی خان کے بارے میں:

سبق فاؤنڈیشن کے بانی اقبال مصطفٰی خان کا تعلق گولڑہ شریف سے ہے جو کے اب اسلام آباد کا حصہ بن گیا ہے اور سیکٹر E-11 کے نام سے جانا جاتا ہے۔ابتدائی تعلیم حاصل کرنے کے بعد اقبال اعلیٰ تعلیم حاصل کرنے کی غرض سے ۱۹۸۴ میں امریکہ چلے گئے۔ وہاں انھوں نے انڈیانا یونیورسٹی، بلومنگٹن سے کمپیوٹر سائنس میں بی-ایس اور ایم- ایس کی ڈگری ۱۹۸۸ اور ۱۹۹۰ میں بالترتیب حاصل کیں۔ اسکے بعد انھوں نے وہاں سکونت اختیار کر لی او ر مختلف کمپنیوں میں ملازمت کے بعد امریکہ میں Alachisoft کے نام سے ایک سافٹ وئر کمپنی قائم کر کے اپنے کاروبار کا آغاز کیا۔

۲۰۱۱ میں اقبال پاکستان واپس آئے اور Alachisoft کا آفشور آفس اسلام آبادمیں قائم کیا۔ اقبال کے خاندان کی تعلیم کے فروغ کے لیے بے پناہ خدمات ہیں۔ انکی والدہ اور پھپھو گولڑہ میں لڑکیوں کا ایک گورنمنٹ پرائمری سکول چلاتی تھیں جو کہ اقبال کے دادا کے گھر میں واقع تھا۔ اسی تعلق نے اقبال کو پاکستان میں تعلیم کے لیے کچھ کر گزرنے کا حوصلہ دیااو انہوں نے سبق فاؤنڈیشن جیسے عظیم مقصد کی بنیاد رکھی۔